"პოლონელი ექიმების მისია ჩემი ბოლო შანსია, რომ ვიცოცხლო" - ამის შესახებ საქართველოს მესამე პრეზიდენტი პოლონურ რადიოსთან საუბრობს.
მისი თქმით, თავდაპირველად, საქართველოს პრემიერმინისტრი მიუნხენის კონფერენციაზე საჯაროდ დათანხმდა, ასეთი მისიის მიღებას, თუმცა საბოლოოდ "ეს ტყუილი აღმოჩნდა".
ძალიან ახლოს ვარ მრავლობითი ორგანოს უკმარისობასთან. ძალიან სუსტად ვარ და დიდ ტკივილს განვიცდი" - ამბობს მიხეილ სააკაშვილი.
ამასთან , საქართველოს მესამე პრეზიდენტს ჰკითხეს, არის თუ არა პუტინის ნომერ პირველი მტერი, რაზეც მიხეილ სააკაშვილი პასუხობს, რომ "ზელენსკის გამოჩენამდე კი".
"თუ მე გადავრჩები, პოლონეთის მადლობელი ვიქნები. ლეხ კაჩინსკი იყო ის პოლიტიკოსი, რომელმაც დიდი გავლენა მოახდინა ჩემს შეხედულებებზე. ის სულ მეუბნებოდა: "ჩვენ შორის განსხვავება ისაა, რომ როცა მე პრეზიდენტი აღარ ვიქნები, შემეძლება ვიცოცხლო, შენ შეიძლება მოგკლან". სამწუხაროდ, ის მოკლა პუტინმა და პუტინი ახლა მკლავს მე" - თქვა სააკაშვილმა.
საქართველოს მესამე პრეზიდენტი "რუსული კანონის" წინააღმდეგ მიმართულ საპროტესტო ტალთასაც ეხმიანება და აცხადებს, რომ ქუჩაში გამოვიდა "მიშას თაობა", რომელიც ვარდების რევოლუციის დროს დაიბადა.
ამ თაობას არ გამოუცდია ელექტროენერგიის გათიშვა, სიღარიბე. სკოლაში ყველა ბავშვს მივეცით კომპიუტერი, რუსული ენა ინგლისურით ჩავანაცვლეთ, ათასობით ამერიკელი მასწავლებელი მოვიწვიეთ. ჩვენ გავაძლიერეთ დასავლური სტილის უნივერსიტეტები, რომლებიც ამ პროტესტის საფუძველი იყო. ამ ახალგაზრდებმა გამოცადეს ხელისუფლების მშვიდობიანი გადაცემა" - თქვა მან.
სააკაშვილის თქმით, საშიში კანონი საქართველოს ხელისუფლებას რუსეთმა დაუწესა. მისივე განცხადებით, კრემლის მოთხოვნაა, პოლონეთში სამკურნალოდ არ გადაიყვანონ.
