ვფიქრობ, სისტემური რეფორმების გარეშე დეოლიგარქიზაცია არ მოხდება, რადგან სახელმწიფო ინსტიტუტები ერთ ადამიანს ემორჩილება და სახელმწიფო ინსტიტუტები უნდა გაძლიერდეს, – ამის შესახებ ოპოზიციონერმა დეპუტატმა, ხატია დეკანოიძემ საქართველოს პირველ არხს განუცხადა.
მისივე თქმით, კანონპროექტი უნდა ჩავარდეს და სისტემური მიდგომა იყოს.
„ძალაუფლების შემცირება მოხდება არჩევნებით. უკრაინაში სხვა რეალობაა და საქართველოში სხვა. დეოლიგარქიზაციის კანონის პერსონიფიცირება მოხდება პირველ რიგში, ოპოზიციაზე. ეს კანონპროექტი უნდა ჩავარდეს და სისტემური მიდგომა იყოს, რასაც პოლიტიკური ნება სჭირდება და აქ კედელს ვეჯახებით“, – განაცხადა ხატია დეკანოიძემ.
