პენტაგონის საიდუმლო დოკუმენტების თანახმად, აშშ პესიმისტურად არის განწყობილი, რომ უკრაინას რუსეთის წინააღმდეგ ომის სწრაფად დასრულება შეუძლია. საიდუმლო დოკუმენტების ნაწილი ხაზს უსვამს სისუსტეებს უკრაინის შეიარაღებაში, საჰაერო თავდაცვაში და პროგნოზირებს ჩიხს ომში მომავალი თვეების განმავლობაში.
რამდენიმე საიდუმლო დოკუმენტის თანახმად, უკრაინის საშუალო დისტანციის საჰაერო თავდაცვა ფრონტის ჯარების დასაცავად „სრულიად შემცირდება 23 მაისამდე“ და გამოთქმულია ვარაუდი, რომ რუსეთს, შესაძლოა, მალე ჰქონდეს საჰაერო უპირატესობა და უკრაინამ შეიძლება, დაკარგოს სახმელეთო ძალების მობილიზაციის უნარი კონტრშეტევაში.
დოკუმენტები ასევე ხაზს უსვამს რუსეთის სამხედრო შეტევასთან დაკავშირებულ პრობლემებს და პროგნოზირებს, რომ შედეგი იქნება ჩიხი ორ მხარეს შორის უახლოეს მომავალში.
