„ისინი ემზადებიან არა 2 ოქტომბრისთვის, არამედ, მომდევნო დღისა და არეულობისთვის, სამწუხაროდ, თუმცა არც ეს გამოუვათ ისევე, როგორც სხვა შემთხვევებში არ გამოუვიდათ," - განაცხადა დღეს, 10 სექტემბერს, ფრაქცია „ქართული ოცნების" თავმჯდომარე მამუკა მდინარაძემ.
„ტელევიზიების საშუალებით აწარმოებს საარჩევნო კამპანიებს და ეს კამპანია ძირითადად, მიმართულია იმ ნეგატივზე, რომელიც აგებულია "ფეიკებზე" და ცდილობენ, წინასწარ დაალაგონ მიმართულება, თითქოს ხდება ისეთი რამ, რაც არჩევნების ლეგიტიმაციას აყენებს საფრთხის ქვეშ. სხვა მიმართულება არ აქვთ. საუბრობენ მხოლოდ ე.წ რეფერენდუმზე და მათი არც ერთი აქტივობა არ უკავშირდება საარჩევნო შედეგებსა მიზნობრიობას. აქედან გამომდინარე, ერთადერთი ლოგიკა, რაც კი შეიძლება ადამიანმა განავითაროს, არის ის, რომ ისინი ემზადებიან არა 2 ოქტომბრისთვის, არამედ, მომდევნო დღისა და არეულობისთვის, სამწუხაროდ, თუმცა არც ეს გამოუვათ ისევე, როგორც სხვა შემთხვევებში არ გამოუვიდათ" - განაცხადა მდინარაძემ.
