კრემლის ცნობით, რუსეთის პრეზიდენტი ვლადიმერ პუტინი უკრაინის დროებით ოკუპირებულ ხერსონისა და ლუგანსკის ოლქებში იმყოფებოდა.
ამასთან, დაუზუსტებელია, როდის იმყოფებოდა პუტინი ოკუპირებულ ტერიტორიებზე.
კრემლის პრესსამსახურის ინფორმაციით, ვლადიმერ პუტინმა ხერსონის ოლქში რუსეთის ჯარების „დნეპრის“ დაჯგუფების, ლუგანსკში ეროვნული გვარდიის „აღმოსავლეთის“ შტაბები მოინახულა და რუს სამხედროებს აღდგომა მიულოცა.
უკრაინის ხელისუფლებაში აღნიშნულთან დაკავშირებით კომენტარი ჯერ არ გაუკეთებიათ.
უკრაინაში რუსეთის ფართომასშტაბიანი საომარი მოქმედებების დაწყებიდან პუტინი ნაწილობრივ ოკუპირებული ხერსონისა და ლუგანსკის ოლქებში პირველად იმყოფებოდა. მანამდე, 19 მარტს კრემლმა რუსეთის პრეზიდენტის მარიუპოლში ჩასვლის შესახებ გაავრცელა ინფორმაცია.
