„არა ღალატს!“ - სისხლიან ბანერებზე გახარიაც გამოჩნდა
„რას იძიებენ“ - ინგა გრიგოლიას პროკურატურაში კითხავენ
სუს-ის საიდუმლო კრებსებიდან ირკვევა, რომ საქართველოს ეკლესიის წარმომადგენლებს პირდაპირი კავშირი აქვთ რუსეთის ფედერალური უსაფრთხოების სამსახურთან. ფაილში, რომლის სათაურიცაა „ინფორმაცია“ და რომელიც 2014 წლის 25 ივლისით თარიღდება, წერია: „მოპოვებული ინფორმაციით, მწ 25 ივლისს არქიმანდრიტი პიმენი (რომან) ქარდავა, დაუკავშირდა ალექსეი (რუსეთის ფედერაციის ფედერალური უსაფრთხოების სამსახურის ოფიცერი), რომელმაც მოიკითხა პ.ქარდავას აფხაზეთში ვიზიტის შესახებ, პ.ქარდავას სიტყვებით, ის შეხვდა ვინმე თემურს (სავარაუდოდ, თემურ შერგელია, გალის რაიონის უშიშროების სამსახურის ხელმძღვანელი) და ბესარიონ აპლიას, შეხვედრა ნორმალურად ჩაიარა, რაც პ.ქარდავას თქმით, ალექსეის დამსახურებაა, პ.ქარდავა აფხაზეთში საპრეზიდენტო არჩევნების შემდეგ, ჩასვლას აპირებს ქ.სოხუმში, სადაც აუცილებლად შეხვდება ალექსეის.“
„რა, რეზინის შვილები მყავს, გგონიათ?!“ - კახა კალაძე
წითელმა ჯვარმა აჭარის ჯანდაცვის სამინისტროს 22 ტონა თხევადი ჟანგბადი გადასცა
ეკატერინე ტიკარაძე აცხადებს, რომ ინფიცირების შემთხვევების კლების ტენდენციის მიუხედავად, მნიშვნელოვანია, რეგულაციების აღსრულებაზე მკაცრი კონტროლი იყოს
იაგო ხვიჩია - ჩანს, „ქართული ოცნებაში“ ერთმანეთთან უცნაური ხუმრობები აქვთ, რასაც ბოლომდე ვერ ჩავწვდებით
სალომე სამადაშვილი - სადეპუტატო უფლებამოსილების შეწყვეტა თუ ნიკა მელიას სურვილია, ეს თხოვნა უნდა დაკმაყოფილდეს

იაგო ხვიჩია - მსოფლიოში არსებობს მაგალითები, სადაც სამხედროები ცვლიან ხელისუფლებებს, არ მინდა, ჩვენი ქვეყანა ასეთი იყოს

09.13.2021 | 15:12

ამ მიმართვაში მთავარი პრობლემა მდგომარეობს იმაში, გვინდა თუ არა ქვეყანა, სადაც არჩევნებში სამხედროები ერეოდნენ და ისინი წყვეტდნენ არჩევნების ბედს, - ამის შესახებ „გირჩის" ლიდერმა, იაგო ხვიჩიამ ექსპრეზიდენტ მიხეილ სააკაშვილის განცხადების კომენტირებისას აღნიშნა.

მისი თქმით, არ არის სასურველი ქვეყანაში სამხედროები ცვლიდნენ ხელისუფლებებს.

„მგონია, ჩვენთან ამას სპეცსამსახურები რომ აკეთებენ, ამის გამო უნდა ვაკრიტიკებდეთ ხელისუფლებას. ყველას თავისი საქმე უნდა ჰქონდეს - სპეცსამსახურებს, ჯარს და ყველა ძალოვან უწყებას. მსოფლიოში არსებობს მაგალითები, სადაც სამხედროები ცვლიან ხელისუფლებებს და ალბათ, სააკაშვილმა ეს ძალიან კარგად იცის. არ მინდა, ჩვენი ქვეყანა ასეთი იყოს. ადამიანები, ზოგადად, უწყებების რეიტინგს რომ კითხულობენ, ვისაც მეტი რეიტინგი აქვს, ცდილობენ, მათთან საკუთარი თავი დააკავშირონ. წინასაარჩევნოდ ალბათ ასეთებს კი არა, უარესებსაც უნდა ველოდოთ", - განაცხადა ხვიჩიამ.

საქართველოს ყოფილმა პრეზიდენტმა, უკრაინის რეფორმების აღმასრულებელი კომიტეტის თავმჯდომარემ, მიხეილ სააკაშვილმა „ფეისბუქზე" გავრცელებულ ვიდეოში სამხედროებს მიმართა.

„საქართველო არის გადასარჩენი, მოგმართავთ ჩვენს საამაყო სამხედრო მოსამსახურეებს, მაგრამ უპირველესად, როგორც მოქალაქეებს, ყველა უნდა მოვემზადოთ სამოქალაქო ვალის შესასრულებლად არჩევნებზე აქტიურად მონაწილეობისთვის. თქვენი პატრიოტიზმის იმედი მაქვს", - განაცხადა სააკაშვილმა.