„ქართული ოცნება“ კომისიის შექმნას პროცედურებით აჭიანურებს, მაგრამ ამ კომისიამ შედეგი უკვე დადო. სულ რაღაც სამ დღეში, ასე მოკლე დროში მოხდა ცხადად, ლაკონიურად ჩვენება იმ დანაშაულებრივი კავშირების, რაც მმართველ გუნდსა და კლანს შორის არსებობს, – ამის შესახებ „ლელოს“ წევრმა, ანა ნაცვლიშვილმა განაცხადა.
მისივე თქმით, „ქართული ოცნება“ დანაშაულზე ხელის დამფარებლად გაფორმდა.
„ოპოზიციამ აიძულა ხელისუფლება, პოლიტიკურად და სამართლებრივად სრულიად ნათლად დაესვა ტოლობის ნიშანი „ქართულ ოცნებასა“ და უსამართლო სისტემას შორის. ამ პროცესმა შედეგი უკვე მოიტანა. „ქართული ოცნება“ როგორც პოლიტიკურად, ასევე სამართლებრივად გაფორმდა კლანის თანამონაწილე და დანაშაულზე ხელის დამფარებლად“, – განაცხადა ანა ნაცვლიშვილმა.
