მასშტაბური სპეცოპერაცია ყაზახეთის დედაქალაქში. ქოლცენტრების თაღლითურ სქემაზე 24 საქართველოს მოქალაქე დააკავეს.
ოფიციალური უწყებების ინფორმაციით, ზარალი რამდენიმე მილიონია. თაღლითური დაჯგუფების წევრების დასაკავებლად რამდენიმე ქალაქში სპეცოპერაცია ერთდროულად ჩატარდა. დანაშაულებრივი ჯგუფის წევრი ერთ-ერთი ქართველი დააკავეს ასტანაში. გამოძიების ინფორმაციით, მან შექმნა ინსტაგრამის გვერდი, სადაც მომხმარებლებს დაბალ ფასად, ბეწვის ქურქებს სთავაზობდა.
„ამ პირებმა ფარმაცევტული კომპანია „Health Time“-ის კლიენტთა ბაზა მოიპარეს, მის კლიენტებს დაურეკეს და აცნობეს მანქანის მოგების შესახებ. მოქალაქეებს გადასახადების გადახდა შესთავაზეს, რომელიც ფსონების კომპანია „1Xbet“-ის ანგარიშებზე გადაირიცხა. იდენტიფიცირებულია 20 მსხვერპლი, მიმდინარეობს მუშაობა თაღლითების სხვა მსხვერპლთა იდენტიფიცირებისთვის“, - განაცხადა ონლაინ ბრიფინგზე შსს-ს კრიმინალური პოლიციის დეპარტამენტის კიბერდანაშაულთან ბრძოლის ცენტრის ხელმძღვანელმა, ჟანდოს სუინბაიმ.
