„დაბარებული ვარ ფარულ მასალებთან დაკავშირებით, სატელეფონო კომუნიკაციისას დეტალებზე არ უსაუბრიათ, თუმცა, სავარაუდოდ, დაბარებული ვარ მოწმის სტატუსით, რადგან ბოლო სამი დღეა, რაც ეს მასალები გასაჯაროვდა ამ თემას ვაშუქებ. ვნახოთ, კონკრეტულად რა შეკითხვები ექნებათ," - განაცხადა დღეს, 16 სექტემბერს „ფორმულას" ჟურნალისტმა ქეთი ნადიბაიძემ.
ნადიბაიძის ადვოკატის, ედუარდ მარიკაშვილის თქმით, საგამოძიებო უწყების ძირითადი ინტერესი დამნაშავეების გამოვლენა და სრული დასჯა უნდა იყოს.
„ვფიქრობ, რომ პროკურატურის მთავარი ინტერესი უნდა იყოს უკანონო მიყურადების ფაქტების გამოძიება, თუკი ამ საკითხზე ექნებათ კითხვები, ჩვენ მზად ვართ, რომ ვუპასუხოთ, თუმცა ვფიქრობ, რომ გამოძიება კიდევ უფრო სიღრმეში უნდა შევიდეს. საგამოძიებო უწყების ძირითადი ინტერესი უნდა იყოს სწორედ დამნაშავეების გამოვლენა და სრული დასჯა" - აღნიშნა ადვოკატმა.
