„ბოლო ორ თვეში აცრილი მასწავლებლების რაოდენობა 9-დან 65%-მდე გაიზარდა და მათი რაოდენობა ყოველდღიურად იზრდება," - აღნიშნულია დღეს, 25 სექტემბერს, განათლების სამინისტროს მიერ გავრცელებულ განცხადებაში.
უწყების ცნობით, ამ დროისთვის საჯარო და კერძო სკოლების პედაგოგთა და სკოლის ადმინისტრაციის წარმომადგენელთა 65% ვაქცინირებულია. ამასთან, ვაქცინაცია თბილისსა და ყველა რეგიონში უწყვეტი რეჟიმით მიმდინარეობს.
