„დღეს, 25 სექტემბერს, გამთენიისას, გახარიას პარტიის ცაგერის მერობის კანდიდატს, ბესო ბენდელიანს ავტომანქანა დაუცხრილეს, პასუხისმგებლობა მთლიანად ეკისრება „ოცნების" ხელმძღვანელობას" - განაცხადა პარტია „საქართველოსთვის" ერთ-ერთმა ლიდერმა, ნათია მეზვრიშვილმა.
მეზვრიშვილის თქმით, გახარია პარტიის კანდიდატების მიმართ ზეწოლა და მუქარა გრძელდება
"პარტია „საქართველოსთვის" წინასაარჩევნო კამპანიას, ფაქტობრივად, ვერ ატარებს. დღეს, გამთენიისას მანქანა დაუცხრილეს ცაგერის მერობის კანდიდატს, ბესო ბენდელიანს. პასუხისმგებლობა მთლიანად ეკისრება "ოცნების" ხელმძღვანელობას: კობახიძეს, კალაძეს, ღარიბაშვილს, რომლებიც ყოველდღიურ რეჟიმში ამართლებენ ძალადობას და ახალისებენ სიძულვილის ენას. პასუხისმგებლობა ეკისრება შს მინისტრ გომელაურს, გენერალურ პროკურორ შოთაძეს, რომლებიც პირდაპირი მნიშვნელობით, არ გაინძრნენ. ეს ადამიანები დანაშაულს ვერ ხედავენ და არ რეაგირებენ სისტემურ დანაშაულზე
მხარდამჭერებს ემუქრებიან სოციალური დახმარების მოხსნით. გუშინ მანქანის საბურავები დაუჭრეს ლაგოდეხის საკრებულოს წევრობის კანდიდატს, სალომე ღონღაძეს. რამდენიმე დღის წინ ასპინძის მერის მოვალეობის შემსრულებელი და მერიის თანამშრომლები თავს დაესხნენ ასპინძის საკრებულოს წევრობის კანდიდატს, არკადი სოფოევს. მთელი ქვეყნის მასშტაბით აზიანებენ და ანადგურებენ პარტიის სააგიტაციო მასალას" - განაცხადა მეზვრიშვილმა.
