თბილისში ფულის გამოძალვის ბრალდებით 8 პირი დააკავეს - დედაქალაქის რამდენიმე ლოკაციაზე ჩატარეული სპეცოპერაცია რამდენიმე სააათის წინ, ცენტრალური კრიმინალური პოლიციის ტრეფიკინგის და უკანონო მიგრაციის წინააღმდეგ ბრძოლის განყოფილების უფროსმა დაადასტურა.
გრიგოლ გოგოჩაშვილის თქმით, საქმე ეხება თაღლითობის სქემასა და თანხის გამოძალვას.
"სპეციალური საპოლიციო ღონისძიება მიმდინარეობს სხვადასხვა ლოკაციაზე, მათ შორის არის ერთ-ერთი აღნიშნული კლუბი. დაკავებულია 8 პირი. აღნიშნული საპოლიციო ღონისძიება უკავშირდება თაღლითურ სქემას. დამატებითი და დეტალური ინფორმაცია მედიისთვის მოგვიანებით გახდება ცნობილი" - განაცხადა გრიგოლ გოგოჩაშვილმა.
