„მიხეილ სააკაშვილი აღარც ევროპას, აღარც ამერიკას, არც შიდა საზოგადოებას აღარ აინტერესებს," - განაცხადა დღეს, 7 ოქტომბერს, „ოცნების" დეპუტატმა, გურამ მაჭარაშვილმა საპატიმროში მყოფ საქართველოს მესამე პრეზიდენტზე საუბრისას.
„პოლიტიკური პროცესები უკვე დასტაბილურდა ქვეყანაში, მიხეილ სააკაშვილი აღარც ევროპას, აღარც ამერიკას, არც შიდა საზოგადოებას აღარ აინტერესებს. აინტერესებს მარტო "ნაციონალურ მოძრაობას" და თაკო ჩარკვიანს, ეს მათი საქმეა, მათი უფლებაა, მაგრამ მთავარია კანონის წინაშე ყველა თანაბარი იყოს," - ამბობს მაჭარაშვილი.
შეგახსენებთ: მიხეილ სააკაშვილი 1-ელ ოქტომბერს დააკავეს. რუსთავის მე-12 სასჯელაღსრულების დაწესებულებაში ის მეშვიდე დღეა, შიმშილობს.
