„ის აჟიოტაჟი„ ნაციონალური მოძრაობის" და სრული პანიკა, რომ თურმე ხალხი დაირაზმებოდა და სააკაშვილს ხელში აყვანილს შემოიყვანდნენ, ჩაფლავდა", - განაცხადა დღეს, 7 ოქტომბერს, პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა.
მისივე თქმით, ევროპარლამენტარი მარია კალიურანდი ქვეყანაში არსებულ პოლიტიკურ ვითარებას და ფაქტებს სწორად აღიქვამს.
"სწორად აფასებს ქალბატონი კალიურანდი საქართველოში არსებულ პოლიტიკურ სიტუაციას. ერთის მხრივ, ის აჟიოტაჟი „ნაციონალური მოძრაობის" და სრული პანიკა, რომ თურმე ხალხი დაირაზმებოდა და სააკაშვილს ხელში აყვანილს შემოიყვანდნენ, ჩაფლავდა. ადამიანმა, რომელმაც დადასტურებულად, არა მხოლოდ საქართველოს სასამართლოების მიერ მიღებული სამი ინსტანციის გადაწყვეტილებით, არამედ სტრასბურგის გადაწყვეტილებით დადასტურებულად ჩაიდინა უმძიმესი დანაშაულები, უნდა აგოს პასუხი. სამარცხვინოა იმ ადამიანების პოლიტიკური შეფასებები, რომელიც ამ ადამიანს, მსჯავრდადებულ სააკაშვილს მოიხსენიებენ ე.წ. პოლიტიკურ პატიმრად," - განაცხადა ოხანაშვილმა.
