უკრაინის საჰაერო ძალებმა ოკუპანტების მიერ გაშვებული „შაჰიდის“ ტიპის 13 დრონიდან 10 გაანადგურეს. ამის შესახებ ინფორმაციას ტელეგრამ-არხში უკრაინის შეიარაღებული ძალების საჰაერო ძალები ავრცელებენ.
გავრცელებული განცხადების თანახმად, რუსეთის მიერ დრონებით იერიშს მსხვერპლი არ მოჰყოლია.
რუსეთის ძალებმა უკრაინაზე თავდასხმა სამხრეთ-აღმოსავლეთი მიმართულებიდან განახორციელეს. ოკუპანტებმა 13 კამიკაძე-დრონი აზოვის ზღვის აღმოსავლეთი სანაპიროდან გაუშვეს. ასევე, რუსმა სამხედროებმა „ეს-300“-ის ტიპის ოთხი რაკეტა გაუშვეს. უკრაინის საჰაერო ძალების ცნობით, რუსეთის ძალები ცდილობდნენ ზაპოროჟიეს ოლქში სამხედრო და ინფრასტრუქტურულ ობიექტებზე თავდასხმას.
