„სახელმწიფო შენობებში შეჭრას ცდილობდა და გამუდმებით ხულიგნურ პროვოკაციებს აწყობდა," - ნათქვამია „ოცნების" თბილისის მერობის კანდიდატის, კახა კალაძის მიერ დღეს, 18 ოქტომბერს, გავრცელებულ მიმართვაში, რომლის მთავარი ადრესატიც ენმ-ს თავმჯდომარე და თბილისის მერობის ოპოზიციის ერთიანი კანდიდატი ნიკა მელიაა.
"მთელი მათი კამპანია ხელისუფლების გადატრიალებაზე, არეულობის შექმნასა და ე.წ. რეფერენდუმზე იყო აგებული. მეორე ადგილზე გასულ კანდიდატს კი დღემდე ქვეყნის და ქალაქისთვის არასდროს არაფერი გაუკეთებია გარდა იმისა, რომ კერძო კომპანიებს აკოტრებდა, სახელმწიფო შენობებში შეჭრას ცდილობდა და გამუდმებით ხულიგნურ პროვოკაციებს აწყობდა" - ნათქვამია კალაძის მიმართვაში.
ცნობისთვის:
თბილისის მერობის არჩევნების მეორე ტური 30 ოქტომბერს ჩატარდება.
