„აშშ-ის თავდაცვის მდივანი ხაზს უსვამს, რომ მისი ვიზიტის მიზანი საქართველოს ევრო-ატლანტიკური ინტეგრაციისკენ წინსვლაა," - განაცხადა დღეს, 18 ოქტომბერს, პარლამენტის საგარეო ურთიერთობების კომიტეტის თავმჯდომარის მოადგილე გიორგი ხელაშვილმა პენტაგონის ხელმძღვანელის, ლოიდ ოსტინის საქართველოში ჩამოსვლაზე საუბრისას.
ხელაშვილის განცხადებით, თავდაცვის მხრივ მომავალი სამი წელი საქართველოსთვის უაღრესად მნიშვნელოვანი იქნება.
ცნობისთვის: დღეს, 18 ოქტომბერს, საქართველოში ოფიციალური ვიზიტით ამერიკის შეერთებული შტატების თავდაცვის მდივანი, ლოიდ ოსტინი ჩამოვიდა. პენტაგონის ხელმძღვანელი საქართველოს თავდაცვის მინისტრსა და პრემიერ-მინისტრს შეხვდება.
„აშშ-ის თავდაცვის მდივანი ხაზს უსვამს, რომ მისი ვიზიტის მიზანი საქართველოს ევრო-ატლანტიკური ინტეგრაციისკენ წინსვლაა... მომავალი სამი წელი უაღრესად მნიშვნელოვანია ამ კუთხით და ოსტინის ვიზიტი საქართველოს მთავრობასა და ბაიდენის ადმინისტრაციას შორის თანამშრომლობის სწორი მიმართულების შესაქმნელად უნდა იქნას გამოყენებული", - განაცხადა ხელაშვილმა.
