"ბათუმმა გაიმარჯვა", - ასე აფასებს "ლელოს" გენერალური მდივანი ბათუმში გავითარებულ მოვლენებს, სადაც იმ ამ დროისათვის იმყოფება. ირაკლი კუპრაძე ამბობს, რომ რუსი პუტინისტი პროპაგანდისტები საქართველოში თავისუფლად ვერ ისეირნებენ.
ამასთან, ოპოზიციის წევრი რუსების სამსახურში ჩამდგარ ქართულ პოლიციას უთანაგრძნობს და ამბობს, რომ მათ ღირსების შემლახავი საქმის შესრულება უწევთ.
ბათუმმა გაიმარჯვა. ეს ნიშნავს იმას, რომ ბათუმელებმა, სამოქალაქო აქტივისტებმა, მათ შორის, პოლიტიკურმა ჯგუფებმა დადეს გამარჯვების მნიშვნელოვანი პრეცედენტი, სადაც „ასტორია გრანდეს“ თავისი პუტინისტი მგზავრებით, პროპაგანდისტებით, ადამანებით, რომლებიც არღვევენ საოკუპაციო კანონს, არ აღიარებენ საქართველოს ტერიტორიად აფხაზეთსა და ცხინვალს, ამ ადმაიანებს ვეღარ ვიხილავთ და აღარ ვიხილავთ. სამწუხარო მოვლენაა, მე ვუთანა გრძნობ აქ მყოფ პოლიციელებს, რომელბსაც უწევთ ძალიან მძიმე, სავარაუდოდ, მათთვის ღირსების შემლახავი საქმის შესრულება, ეს მათ სახეებზე აწერიათ, იცავენ პროპაგანდისტ პუტინისტებს და ამ დროს აკავებენ ეროვნული საკითხებისთვის მებრძოლ მოქალაქეებს და სამოქალაქო აქტივისტებს. ეს არის სამწუხარო მოვლენა და არის დეგრადაციის, ჰიბრიდული ომის მცდელობა ხელისუფლების მხრიდან, რომ ადამიანების გონებაში ჩადოს პუტინისტი, კანონის დამრღვევი ადამიანები, თითქოსდა უნდა დასეირნობდნენ ჩვენს ქალაქში. არა, სტუმარი არის სტუმარი და პუტინისტი, მტერი, მოწინააღმდეგე საქართველოს ტერიტორიული მთლიანობის ოპონენტი ვერ იქნება ჩვენი სტუმარი, - ამბობს ირაკლი კუპრაძე.
შეგახსენებთ, რომ დღეს საკრუიზო ლაინერმა ბათუმში მეორე რეისი შეასრულა. გემმა საქართველოში პუტინის მეხოტბე არტისტები ჩამოიყვანა. ლაინერს ბათუმის პორტში მოქალაქეები პროტესტით შეხვდნენ. პოლიციამ 10-მდე ადამიანი დააკავა. მოგვიანებით კი ცნობილი გახდა, რომ საკრუზიო ლაინერმა რეისების მარშრუტებიდან ბათუმი ამოიღო.
