„საჯარო მოხელეებს მოვუწოდებ, რომ უკრაინის მოქალაქის მოწოდებებს არ დაუჯერონ" - განაცხადა დღეს, 19 ოქტომბერს, „ქართული ოცნების" დეპუტატმა შალვა პაპუაშვილმა საჯარო მოხელეების სახელზე გავრცელებულ მიხეილ სააკაშვილის მიმართვის კომენტირებისას.
შეგახსენებთ: 18 ოქტომბერს, მიხეილ სააკაშვილის კიდევ ერთი მიმართვა გავრცელდა, სადაც მესამე პრეზიდენტი საჯარო მოხელეებს, სამართალდამცავი ორგანოების თანამშრომლებს, საარჩევნო კომისიებში დასაქმებულ პედაგოგებსა და სამთავრობო მედიის წარმომადგენლებს მიმართავს.
"ქართველ საჯარო მოხელეებს მოვუწოდებ, რომ უკრაინის მოქალაქის მოწოდებებს არ დაუჯერონ, ეს არის მგონი ყველაზე სწორი მოწოდება და ყველაზე ნათელი ახსნა, თუ რა აბსურდში ამყოფებს მიხეილ სააკაშვილი და "ნაციონალური მოძრაობა" მთლიან ქართულ საზოგადოებას. უკრაინის მოქალაქე მოწოდებით მიმართავს ქართველ საჯარო მოხელეებს" - განაცხადა პაპუაშვილმა.
