ოპოზიციურმა პარტიებმა - "დროამ" და „ლელომ" ურთიერთთანამშრომლობის მემორანდუმი გააფორმეს. პარტია „ლელო საქართველოს" ლიდერის, მამუკა ხაზარაძის თქმით, კოალიციური გაერთიანება ქვეყანას საშუალებას მისცემს, რომ მართვა მიმდინარეობდეს მრავალპარტიულად, რაც კრიზისიდან დროულად გამოყვანას შეუწყობს ხელს.
„დღეს ჩვენ შევიკრიბეთ პარტია "დროა" და პარტია "ლელო საქართველოსთვის", რათა შევქმნათ ერთიანი ფრონტი, ერთიანი პლატფორმა იმისათვის, რომ ყველა პროდასავლური ძალა, ყველა მოაზროვნე ადამიანი, ვისაც უნდა ამ ქვეყნის ამ მდგომარეობიდან გამოყვანა, შემოგვიერთდეს და ერთხელ და სამუდამოდ შევქმნათ ამ ქვეყანაში პროდასავლური, კოალიციური მმართველობა. ეს არის ყველაზე მთავარი, რომ მომავალში ერთ პარტიას ან ერთ პიროვნებას არ ჰქონდეს არასდროს იმის ფუფუნება, რომ გადაწყვიტოს როგორ უნდა იცხოვროს დანარჩენმა საქართველომ", - განაცხადა ხაზარაძემ
