„ეს არის მორიგი, სრულიად არასერიოზული საქციელი, როდესაც პენიტენციური სამსახური ასაჯაროებს ადამიანის შხაპის მიღების გრაფიკს," - განაცხადა დღეს, 22 ოქტომბერს, საქართველოს მესამე პრეზიდენტის ადვოკატმა, ბექა ბასილაიამ პენიტენციური სამსახურის განცხადების საპასუხოდ, რომელშიც ნათქვამია, რომ სააკაშვილმა პატიმრის წესები დაარღვია.
„ჩვენ, რა თქმა უნდა, პენიტენციური სამსახურის მსგავსი განცხადებები არ გვაშფოთებს. ეს არის მორიგი, სრულიად არასერიოზული საქციელი, როდესაც პენიტენციური სამსახური ასაჯაროებს ადამიანის შხაპის მიღების გრაფიკს. ჩვენ არ გვაქვს არანაირი იმდაგვარი მოლოდინები, რომ ამას რაღაც სამართლებრივი შედეგები უნდა დაუკავშირდეს, იმიტომ, რომ ეს არის თავიდან ბოლომდე ბლეფი და არასერიოზული ადამიანს შეედავო, ციხეში მყოფ მესამე პრეზიდენტს, რომ რატომ მიესალმე შენს მხარდამჭერებსო. თუ ამასთან დაკავშირებით იქნება სამართლებრივი აქტები, ამ საკითხებსაც ჩვენ, რა თქმა უნდა, გავასაჩივრებთ, - ამბობს ბექა ბასილაია.
