რუსეთი ყველაფერს აკეთებს იმისთვის, რომ სხვა ქვეყნებმა, მათ შორის ჩინეთმა და ინდოეთმა, წინ წაიწიონ სამხრეთ ოსეთისა და აფხაზეთის აღიარებისკენ, – ამის შესახებ რუსეთის ფედერაციის საბჭოს საერთაშორისო ურთიერთობათა კომიტეტის თავმჯდომარემ, გრიგორი კარასინმა განაცხადა.
კარასინი ფედერაციის საბჭოს სხვა რამდენიმე წევრთან ერთად ოკუპირებულ ცხინვალის რეგიონში იმყოფებოდა, სადაც რუსეთის მიერ უკანონო აღიარების 15-წლისთავისადმი მიძღვნილ ღონისძიებებს დაესწრო.
„რუსეთი სამხრეთ ოსეთს ყველანაირად უჭერდა მხარს და დაუჭერს სახელმწიფო მშენებლობაში, უსაფრთხოების უზრუნველყოფაში, ეკონომიკისა და სოციალური სფეროს განვითარებაში“, – განაცხადა კარასინმა.
