„სააკაშვილი არის ჩვეულებრივი პატიმარი და მეტიც, სააკაშვილი არის პატიმარი, რომელსაც სხვა პატიმრებზე ბევრად უფრო მძიმე დანაშაულები აქვს ჩადენილი", - განაცხადა დღეს, 28 ოქტობერს, „ქართული ოცნების" თავმჯდომარე ირაკლი კობახიძემ.
ამასთან, კობახიძე სააკაშვილის შიმშილობას „პატარა შოუს" უწოდებს და ამბობს, რომ სააკაშვილის შიმშილობის იმიტირებული ქრონიკა 30 ოქტომბრამდე გაგრძელდება.
„რაც შეეხება მიხეილ სააკაშვილს და შიმშილობის იმიტირებულ ქრონიკას, ამასთან დაკავშირებით უკვე მივეჩვიეთ, რომ 30 ოქტომბრის ჩათვლით, პატარა შოუ გვექნება, მაგრამ გარწმუნებთ, როგორც კი არჩევნები დამთავრდება, 30 ოქტომბრის შემდეგ სააკაშვილი საერთოდ აღარ იქნება დღის წესრიგში, არცერთ კითხვას პასუხი აღარ გაეცემა. სააკაშვილი არის ჩვეულებრივი პატიმარი და მეტიც, სააკაშვილი არის პატიმარი, რომელსაც სხვა პატიმრებზე ბევრად უფრო მძიმე დანაშაულები აქვს ჩადენილი. აქედან გამომდინარე 30 ოქტომბრიდან ეს საკითხი ჩვენი დღის წესრიგიდან საერთოდ გაქრება",-განაცხადა კობახიძემ
