„მადლობა უფალს," - ასე გამოეხმაურა პრემიერი ირაკლი ღარიბაშვილი „იმედის" დაკვეთით „ორბის" მიერ ჩატარებულ ეგზიტპოლის შედეგს, რომლითაც ოთხ დიდ ქალაქში „ოცნების" მერობის კანდიდატმა გაიმარჯვა.
„დიდი მადლობა, ყველას გილოცავთ გამარჯვებას ჩემო ძვირფასებო. დიდი მადლობა. მინდა ყველას მოგილოცოთ მეორე ტურის გამარჯვებით დასრულება. დიდი მადლობა ჩვენს მხარდამჭერებს. მადლობა ყველაფრისთვის ჩვენს ხალხს. მადლობა უფალს, დღეს ძალიან მშვიდად ჩატარდა არჩევნები და ჩვენ ყველა მუნიციპალიტეტში გავიმარჯვეთ წინასწარი მონაცემების მიხედვით. მინდა მივულოცო კახა კალაძეს გამარჯვება თბილისის მერის თანამდებობაზე," - განაცხადა ირაკლი ღარიბაშვილმა.
