კულტურის მინისტრს ხელოვანების პროტესტი არ ესმის, მეტიც თეა წულუკიანმა პარლამენტთან შეკრებილ კინემატოგრაფისტებს, მწერლებს, მეცნიერების "ერთი მუჭა ხალხი" უწოდა. "გარეთ მდგარ ერთ მუჭა ხელოვანებს, ვუსამძიმრებ კრახს".
„მინდა, მივმართო იმ 40-50-60 ადამიანს, ჩვენი ქვეყნის მოქალაქეს, ხელოვანებს, როგორც ისინი ამბობენ, მე არ ვიცნობ, მაგრამ ამბობენ, ხელოვანები ვართო, დგანან პარლამენტის გარეთ და აპროტესტებენ ჩემი მინისტრობის პერიოდში განხორციელებულ ნაბიჯებს - თქვენ ბრძოლის მეთოდები უნდა შეცვალოთ, კიდევ ერთხელ გთავაზობთ, გადმოდით პარტნიორობის რეჟიმზე, რადგან ჩვენ ვართ, მათ შორის თქვენთვის, რომ ხელი შეგიწყოთ და თქვენი შემოქმედებითი პროცესის განხორციელება შეძლოთ"- თქვა წულუკიანმა.
