რატომ შეცვალა "ქართულმა ოცნებამ" აშშ-ის ჯაშუშობაში მხილებული ოთარ ფარცხალაძის დასაცავად მეისჯბოქსი - თინა ხიდაშელს ამის ახსნის ერთი ვერსია აქვს.
რასაც ხიდაშელი ეჭვობს, არის ის, რომ მმართველი პარტიისა და ხელისუფლების პირველ პირებს ყოფილი გენერალური პროკურორი დაემუქრა და სწორედ ამის გამო გააქტიურდნენ დეპუტატები მის დასაცავად. ხიდაშელი ვარაუდობს, რომ ფარცხალაძეს "ოცნების" ლიდერების წინააღმდეგ კომპრომატები აქვს.
"პირველ დღეს ამბობდნენ, რომ ვინ არის ეგ კაცი, საერთოდ 10 წელია არ გამოჩენილაო. მეორე დღეს უცებ ყველას ახსოვს, მათი მეგობარია, საქართველოს მოქალაქეა. თურმე დაცვის განსაკუთრებული ზომები უნდა გამოვიყენოთ, რომ უცებ თმის ღერი არ ჩამოუვარდეს.
ყველას გაგვიჩნდა კითხვა, რომ რა დაურეკა ამისთანა და რითი დაემუქრა ერთ ღამეში, რომ ამ ერთ ღამეში სრული ტრანსფორმაცია მოხდა იმ მესიჯბოქსის, რომელიც წინა საღამოს ჰქონდათ.
"ქართული ოცნების" უმრავლესობისთვის, ვისაც პირადად დასანქცირება არ ემუქრებათ, უთხრეს, რომ მთავარია ეგ კაცი არ ალაპარაკდეს, თორემ თავზე დაგვემხობა ყველაფერი," - ამბობს ხიდაშელი.
