სოფლებში ვნახე ძალიან კარგი ბავშვები, რომლებიც ასე ვთქვათ, დამპირდნენ, რომ აცრებთან დაკავშირებით ინფორმაციას მიიტანენ თავიანთ მშობლებთან, ბებიებთან და ბაბუებთან, - დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ საკოორდინაციო საბჭოს შემდეგ გამართულ ბრიფინგზე ეპიდვითარებასა და ვაქცინაციასთან დაკავშირებულ საკითხებზე ისაუბრა.
„სოფლებში რამდენიმე სკოლაში შევხვდი ბავშვებს, სოფლებში ვნახე ძალიან კარგი ბავშვები, რომლებიც ასე ვთქვათ, დამპირდნენ, რომ აცრებთან დაკავშირებით ინფორმაციას მიიტანენ თავიანთ მშობლებთან, ბებიებთან და ბაბუებთან. გასაგებია, რომ ამ ახალგაზრდებს აქვთ მეტი საშუალება, სოციალური მედიის გზით გაეცნონ ინფორმაციები. სხვათა შორის, საკმაოდ კარგად არჩევენ ერთმანეთისგან დეზინფორმაციას და ნამდვილ ინფორმაციას. ძალიან მნიშვნელოვანი იქნება, ამ ახალგაზრდების გამოყენება, რომ ისინი რამენაირად დაარწმუნონ განსაკუთრებით თავიანთი ბებიები-ბაბუები, რომ აცრა იცავს პირველ რიგში, მათ სიცოცხლეს და ჯანმრთელობას", - განაცხადა პაატა იმნაძემ.
