„კახა კალაძის საარჩევნო კამპანია გამოირჩეოდა იმით, რომ არ იყო გამოყენებული სიძულვილის ენა და რიტორიკა, ორიენტირებული იყო საქმეზე და ადგილობრივი მოსახლეობის საჭიროებებზე," - ნათქვამია დღეს, 4 ნოემბერს, პრეზიდენტის ადმინისტრაციის მიერ გავრცელებულ ინფორმაციაში, რომლის თანახმადაც, ორბელიანების სასახლეში სალომე ზურაბიშვილმა თბილისის ახლადარჩეულ მერ კახა კალაძეს არჩევნებში გამარჯვება მიულოცა.
„საუბარი შეეხო თვითმმართველობის არჩევნების მომდინარეობას და როგორც ორბელიანების სასახლეში გამართულ შეხვედრაზე პრეზიდენტმა აღნიშნა, კახა კალაძის საარჩევნო კამპანია გამოირჩეოდა იმით, რომ არ იყო გამოყენებული სიძულვილის ენა და რიტორიკა, ორიენტირებული იყო საქმეზე და ადგილობრივი მოსახლეობის საჭიროებებზე. შეხვედრისას აღინიშნა, რომ მნიშვნელოვანია სწრაფად გაგრძელდეს ადგილობრივი მოსახლეობის კონკრეტულ პრობლემების გადაჭრისათვის ეფექტიანი საქმიანობის განხორციელება" - აღნიშნულია განცხადებაში.
