“პატივცემულ მინისტრს, მისი ბოლოდროინდელი გადაწყვეტილებების და დამსახურების შესაბამისად, მოვართვით სიმბოლური საჩუქარი, მან იკადრა ის, რაც კომუნისტურ პარტიასაც არ უკადრია, - „სტრატეგია აღმაშენებლის“ პოლიტიკური საბჭოს წევრი და განათლების მიმართულების ხელმძღვანელი ნანა ტოხვაძე განათლების სამინისტროსთან სიმბოლურად საბჭოთა სიმბოლიკით მივიდა.
როგორც ტოხვაძე აღნიშნავს, განათლების მინისტრმა საჯარო სკოლებში მხოლოდ ერთი, პოლიტიკურად სასურველი დირექტორობის კანდიდატები დატოვა, დანარჩენი კი პროცესების მიღმა დატოვა.
მისივე თქმით, საჭიროა მინისტრისა და დირექტორობის კანდიდატების შეხვედრა. სწორედ ამ მოთხოვნასთან დაკავშირებით „სტრატეგია აღმაშენებლის“ განათლების მიმართულების ხელმძღვანელმა განათლების სამინისტროში წერილი ჩააბარა.
"პატივცემულ მინისტრს, მისი ბოლოდროინდელი გადაწყვეტილებების და დამსახურების შესაბამისად, მოვართვით სიმბოლური საჩუქარი, მან იკადრა ის, რაც კომუნისტურ პარტიასაც არ უკადრია. პრაქტიკულად გააუქმა კანონით დადგენილი დირექტორთა არჩევის წესი და იმ სკოლებშიც კი, სადაც ორი და მეტი კანდიდატი იყო ასარჩევი, მას არ წარუდგენია ერთ კანდიდატზე მეტი.
პრაქტიკულად, მან შეძლო, რომ არჩევნების მიღმა დაეტოვებინა არასასურველი კანდიდატები და პოლიტიკური ლოიალობის ნიშნის გათვალისწინებით მხოლოდ თითო კანდიდატი წარუდგინა სამეურვეო საბჭოებს. ახლა გამოდის და ჯუნგლიორობს სტატისტიკით თითქოს ასეთი რამ არ მომხდარა.
მე მინდა დავტოვო წერილი და კიდევ ერთხელ შევახსენო, რომ ის დირექტორობის კანდიდატები, რომლებიც მოლოდინში იყვნენ, რომ კონკურენციის, სამართლიანობის პირობებში გახდებოდნენ დირექტორები, მოითხოვენ მასთან შეხვედრას და აუცილებელია გამოსწორდეს ეს შეცდომა, რომელიც მიგვიყვანას კატასტროფულ შედეგამდე. “ - განაცხადა ტოხვაძემ.
