ელენე ხოშტარია რუბლებით სუნთქავს, ზურა-გირჩი კი, ბოდიში და, ჩახდილი დარბოდა - როგორ შეიძლება მათი მხრიდან ბულინგი მიიღო, უნდა იხუმრო, ასეთი რაღაცები გაატარო და გაერთო,- ამის შესახებ „ქართული ოცნების“ გენერალურმა მდივანმა, დედაქალაქის მერმა კახა კალაძემ ჟურნალისტებს განუცხადა, როდესაც უპასუხა კითხვას იმის შესახებ, რომ „ელენე ხოშტარია და ზურაბ-გირჩი ჯაფარიძე პოლიტიკოსებისა და სხვა ადამიანების მიმართ ბოლო პერიოდში ბულინგის შემცველ განცხადებებს აკეთებენ“.
როგორც კალაძემ განაცხადა, აღნიშნული პირების მხრიდან დაბულინგება წარმოუდგენელია.
„არ ვიცი, ზურა-გირჩმა და ელენე ხოშტარიამ როგორ უნდა დაგაბულინგოს, წარმოუდგენელია. ამით უნდა გავერთოთ. მათ რომ პოზიტიურად ისაუბრონ ჩვენზე, პოლიტიკოსებზე, ნორმალურ, პატიოსან ადამიანებზე, ეს უნდა იყოს სირცხვილი და პირიქით - როდესაც ეს მდგომარეობა აქვთ და ასეთ ქმედებებს ახორციელებენ, საამაყო უნდა იყოს. ელენე ხოშტარია რუბლებით სუნთქავს და ზურა-გირჩი, ბოდიში და, ჩახდილი დარბოდა, როგორ შეიძლება მათი მხრიდან დაბულინგდე, უნდა იხუმრო, ასეთი რაღაცები გაატარო და გაერთო“,- განაცხადა კახა კალაძემ.
