„სანამ ქვეყანას რეჟიმი მართავს, საპროტესტო მოძრაობა და ყოველდღიური მშვიდობიანი აქციები არ შეწყდება", - განაცხადა დღეს, 11 ნოემბერს, ენმ-ს ლიდერმა, ნიკა მელიამ.
შეგახსენებთ: ოპოზიცია საქართველოს მესამე პრეზიდენტის, მიხეილ სააკაშვილის მრავალპროფილურ კლინიკაში გადაყვანის მოთხოვნით, პერმანენტულ აქციებს მართავს.
"დიდი მათგანი, აქ ვინც პოლიციელია, ტყვეობაშია აყვანილი რეჟიმის მიერ, ესენიც გასათავისუფლებელი არიან, ასე შევხედოთ, ამ თვალსაზრისით შევხედოთ ამ პროცესს იმიტომ, რომ ეს ნამდვილად ასეა. ვერ დავიჯერებ, რომ ადამიანს, ნამდვილ პოლიციელს სიამოვნებდეს რეჟიმის მსახურებაში ყოფნა.
საზოგადოებას ძალიან საჯაროდ განვუცხადეთ, რომ გადავდივართ ახალ საპროტესტო ტიპის მოძრაობაზე, რომელიც გულისხმობს ყოველდღიურ აქციებს, ყველგან მისვლას მშვიდობიანად, ხაზგასმით მშვიდობიანად სადაც ეს მკვლელები იკრიბებიან, რათა ვუთხრათ, რომ არიან მკვლელები, სადაც ეს დამნაშავეები იკრიბებიან, ვუთხრათ, არიან დამნაშავეები", - განაცხადა ნიკა მელიამ.
