ახლა, ჩვენს პერიოდში, მსოფლიო გზაჯვარედინზეა, მაგრამ მსოფლიო განწირული არაა ამ მტრობისთვისა და ტანჯვისთვის , - ამის შესახებ უკრაინის პრეზიდენტმა ვოლოდიმირ ზელენსკიმ პარიზში მშვიდობის ფორუმზე ვიდეომიმართვისას განაცხადა.
მისი თქმით, ლოკალურ ომებს გლობალური კოლაფსის გამოწვევა შეუძლიათ.
„ტანჯვას, რომელსაც კონკრეტული ერი განიცდის, მეზობელი ერების უფსკრულში გადაგდება შეუძლია, მაგრამ მსოფლიო განწირული არაა ამ მტრობისთვისა და ტანჯვისთვის. სწორი მიმართულებით მოხვევა შეგვიძლია. ეს კონკრეტულად არის იმ ყველას თანამშრომლობა და ერთიანობა, ვინც მართლა აფასებს მშვიდობას, რომელსაც კატასტროფების თავიდან არიდება და ხალხის ტანჯვის შეჩერება შეუძლია.
ამაში ყველა ერს აქვს მნიშვნელობა. მნიშვნელოვანია გვახსოვდეს ეს. არ არსებობენ დიდი სახელმწიფოები, რომლებსაც სავარაუდოდ შეუძლიათ მსოფლიოში რამის გადაწყვეტა ყველასთვის. ყველა ერი თანაბარია და ყველა ერი იმსახურებს პატივისცემას. მხოლოდ ასეთ მიდგომას შეუძლია ყველა ბავშვის, ყველა ერის უფლების რეალიზება ისეთ სამყაროში, სადაც მშვიდობის მიღწევის უფრო მეტი მაგალითია, ვიდრე მისი განადგურების ისტორიები”,-განაცხადა ზელენსკიმ.
