„ყველამ ერთად ვნახეთ, როგორია გაუტეხელი მთავარსარდალი", - განაცხადა დღეს, 12 ნოემბერს, ენმ-ს წევრმა, ლევან ხაბეიშვილმა მეტროსადგურ „300 არაგველთან" გამართულ ოპოზიციის აქციაზე.
"ვინმეს თუ ჰგონია გუშინდელი ვიდეოთი შეურაცხყოფა მიაყენა მესამე პრეზიდენტს, ძალიანაც შემცდარა. მეტსაც გეტყვით, ყველა ის მითი რომელიც იყო რუსული, ყველა ის პროპაგანდისტული მითები გუშინ დაიმსხვრა და ყველამ ერთად ვნახეთ, როგორია გაუტეხელი მთავარსარდალი", - თქვა ხაბეიშვილმა და დასძინა, რომ აქციის მონაწილეები მშვიდობიანად იუსტიციის სამინისტროსკენ მსვლელობით დაიძვრებიან და „მშიშარა და მხდალ" მინისტრს ხმას კიდევ ერთხელ გააგონებენ.
