"საქართველოს ყოფილი პრეზიდენტის მიხეილ სააკაშვილის ჯანმრთელობის მდგომარეობაზე პასუხისმგებლობას ჯანდაცვის მინისტრს, ეკატერინე ტიკარაძეს ვაკისრებთ და მოვითხოვთ მასთან შეხვედრას", - განაცხადეს დღეს, 12 ნოემბერს, მეტროსადგურ „დიდუბის" მიმდებარე ტერიტორიასთან შეკრებილმა ენმ-ს ლიდერებმა და მხარდაჭერებმა.
ცნობისთვის: მიხეილ სააკაშვილი 1-ელ ოქტომბერს დააკავეს და უკვე 43-ე დღეა, შიმშილობს. ოპოზიცია პროტესტს არ წყვეტს და აქციებს პერმანენტულ რეჟიმში აგრძელებს.
ამ წუთებში აქციის მონაწილეები „დიდუბიდან" ჯანდაცვის სამინისტროსკენ მიემართებიან.
მათივე განცხადებით, მთავარი მოთხოვნა უცვლელია და კვლავ გააგრძელებენ პროტესტს მიხეილ სააკაშვილის თავისუფლებისთვის.
