„მიხეილ სააკაშვილი არის პრეზიდენტის ანტისიმბოლო საქართველოში და საერთაშორისო თანამეგობრობისთვის, რატომ? ერთი - მისი ხელისუფლებაში ყოფნის პერიოდი უკავშირდება ადამიანების წამებას, ადამიანების მიმართ არაადამიანურ მოპყრობას, გაუპატიურებას, ბიზნესის რეკეტს, ტერიტორიების 20%-ის დაკარგვას" - აცხადებს „ქართული ოცნების" თავმჯდომარე ირაკლი კობახიძე.
"ხდება რაღაცა სიმბოლიზმის გამოყენება სააკაშვილთან მიმართებით რადიკალური ოპოზიციის მხრიდან, მესამე პრეზიდენტის სიმბოლო და ა.შ. ზოგადად, პრეზიდენტის ინსტიტუტს მართლაც ახასიათებს გარკვეული დოზით სიმბოლიზმი, თუმცა ყოფილი პრეზიდენტები, ისტორია აჩვენებს ამას, არიან ან სიმბოლოები ან ანტისიმბოლოები, შუალედური მაგალითებიც კი არ აქვს ისტორიას. სააკაშვილს რაც შეეხება, ის არის ანტისიმბოლო.
ის არის ანტისიმბოლო საქართველოში და ის არის ანტისიმბოლო საერთაშორისო თანამეგობრობისთვის, რატომ? ერთი - მისი ხელისუფლებაში ყოფნის პერიოდი უკავშირდება ადამიანების წამებას, ადამიანების მიმართ არაადამიანურ მოპყრობას, გაუპატიურებას, ბიზნესის რეკეტს, ტერიტორიების 20%-ის დაკარგვას. ეს არის მცირე ჩამონათვალი იმ დანაშაულებისა, რაც მას, როგორც თავის დროზე პრეზიდენტს, აქვს ჩადენილი", -განაცხადა ირაკლი კობახიძემ.
შეგახსენებთ:
მიხეილ სააკაშვილი 1-ელ ოქტომბერს დააკავეს და იგი უკვე 46 დღეა შიმშილობს. ექსპრეზიდენტის სამოქალაქო, მრავალპროფილურ კლინიკაში გადაყვანის მოთხოვნით ოპოზიცია აქციებს არ წყვეტს.
გუშინვე, ამავე მოთხოვნით შიმშილობა 10 დეპუტატმა გამოაცხადა. შიმშილობის დაწყებას გეგმავს პაატა ბურჭულაძეც.
