„ერთხელ ვერ მოიყვანეს სასამართლო შენობაში, ანუ ემალება მართლმსაჯულება მიხეილ სააკაშვილს",- განაცხადა დღეს, 16 ნოემბერს, მიხეილ სააკაშვილის ადვოკატმა, დიმიტრი საძაგლიშვილმა.
შეგახსენებთ: დღეს, საზღვრის უკანონო კვეთის საქმეზე სასამართლო პროცესი გაიმართა თუმცა მესამე პრეზიდენტი სხდომაზე ისევ არ მიიყვანეს.
"არ გვინახავს აქამდე შემთხვევა, რომ სასამართლო და სახელმწიფო ემალებოდეს "ბრალდებულს", ზუსტად ანალოგიურ სიტუაციაში ვართ ახლა, როდესაც სახელმწიფოს, რეჟიმს ეშინია მიხეილ სააკაშვილის მოყვანა სასამართლოში. 45 დღეზე მეტია მიხეილ სააკაშვილი იმყოფება პატიმრობაში, პოლიტიკურ ტყვეობაში და ერთხელ ვერ მოიყვანეს სასამართლო შენობაში, ანუ ემალება მართლმსაჯულება მიხეილ სააკაშვილის მაშინ, როდესაც "ქართული ოცნების" მთავარი მესიჯი მთელი 9 წელის განმავლობაში იყო ის, რომ სააკაშვილი უნდა წარმდგარიყო მართლმსაჯულების წინაშე", -განაცხადა საძაგლიშვილმა.
