რა დაქოქილი თოჯინასავით ლაპარაკობთ?" - ასე მიმართა თბილისის საქალაქო სასამართლოში მიხეილ სააკაშვილის ადვოკატმა მოსამართლე დავით კურტანიძეს, რამაც მოსამართლესა და ადვოკატებს შორის დაპირდაპირებია გამოიწვია.
სააკაშვილის ადვოკატები მოსამართლის განცხადებას აპროტესტებენ, რომლის მიხედვითაც სასამართლომ მიხეილ სააკაშვილს სხდომის დისტანციურ რეჟიმში ჩატარება შესთავაზა.
ადვოკატ ბექა ბასილაიას თქმით, მოსამართლეები სამართლებრივად ვალდებულნი არიან, რომ პენიტენციურ სამსახურს დაავალონ ბრალდებულის სხდომაზე ეტაპირება უზურნველყონ.
„რა დაქოქილი თოჯინასავით ლაპარაკობთ? თქვენ თავს აყენებთ შეურაცხყოფას. ერთი და იგივეს საუბრობთ დისტანციურ ჩართვაზე. თქვენი მიზანი არის, რომ სააკაშვილი აქ არ იყოს. ამ ტონით ნუ ლაპარაკობთ, როდესაც უკანონო დავალებებს ასრულებთ, როდესაც არ აძლევთ სამართლებრივ შეფასებას, როდესაც არ მოგყავთ მიხეილ სააკაშვილი აქ. მე ხელი დამიბანია, მოთხოვნა ხო გავგზავნე, იმასაც ვერ ბედავთ დედანი დოკუმენტები გვაჩვენოთ", - განაცხადა მიხეილ სააკაშვილის ადვოკატმა ბექა ბასილაიამ
მოსამართლის თქმით, სასამართლო მზაობას გამოთქვამს ნებისმიერ დროს უზრუნველყონ სააკაშვილის დისტანციურად ჩართვა.
„მოყვანა არ არის თვითმიზანი", - განაცხადა მოსამართლე დავით კურტანიძემ.
შეგახსენებთ: დღეს, საზღვრის უკანონო კვეთის საქმეზე მიხეილ სააკაშვილის პროცესი იმართება.
