„რიტორიკა ჰქონდა შეცვლილი,"- განაცხადა დღეს, 18 ნოემბერს, „ერთიანი ნაციონალური მოძრაობის" წევრმა, ლევან ხაბეიშვილმა საქართველოს მეხუთე პრეზიდენტის, სალომე ზურაბიშვილის გუშინდელ განცხადებებზე საუბრისას.
„რიტორიკა ჰქონდა შეცვლილი და ალბათ, ეს უკავშირდება ჩვენი ევროპელი პარტნიორების მიერ მისი მისამართით გაკეთებულ შენიშვნებს. რამაც გამოიწვია ის, რომ სალომე ზურაბიშვილმა ფაქტობრივად ევროპელების შემონათვალი გადასცა საქართველოს ხელისუფლებას და თქვა, რომ იმ სიველურეს, როგორც ექცევიან საქართველოს მესამე პრეზიდენტს, არანაირი გამართლება არა აქვს. თუმცა, მეორე ნაწილიც ჰქონდა სალომე ზურაბიშვილს, რაღაც ბლა-ბლა, რაც ქოცებისთვის მაშველი რგოლის გადაგდებას ემსახურებოდა.
საბოლოო ჯამში, ეს განცხადება ცხადად ასახავს, რომ რიტორიკა აქვთ შეცვლილი", - განაცხადა ხაბეიშვილმა.
