დღეს, 15:00 საათზე, რესპუბლიკის მოედანზე ოპოზიციის აქცია გაიმართება.
"ვისაც სჯერა, რომ ქვეყნის თავისუფლება და ღირსება არის საფრთხის ქვეშ, გელოდებით 15:00 საათზე რესპუბლიკის მოედანზე", - განაცხადა ნიკა მელიამ.
ცნობისთვის, გუშინ, 18 ნოემბერს, საქართველოს ყოფილი პრეზიდენტის მიხეილ სააკაშვილის ჯანმრთელობის მდგომარეობა დამძიმდა. მასთან შეხვედრის შემდეგ ადვოკატმა ბექა ბასილაიამ თქვა, რომ ოთახიდან გასვლისას მიხეილ სააკაშვილი წაიქცა.
მოგვიანებით, გახდა ცნობილი, რომ სააკაშვილი რეანიმაციულ განყოფილებაშია გადაყვანილი. ექიმების თქმით, ყოფილი პრეზიდენტი სამოქალაქო კლინიკაში დაუყოვნებლივ უნდა გადაიყვანონ.
