„გთხოვთ, გადაიყვანეთ და დაასრულეთ ეს ემოციების ომი," - აცხადებს ექიმი ბიძინა კულუმბეგოვი მიხეილ სააკაშვილზე საუბრისას.
შეგახსენებთ: მიხეილ სააკაშვილი 1-ელ ოქტომბერს დააკავეს და 49 დღეა, შიმშილობს. ოპოზიცია მესამე პრეზიდენტის სამოქალაქო კლინიკაში გადაყვანის მიზნით პერმანენტულ აქციებს არ წყვეტს. ასევე, შიმშილობს ენმ-ს 10 დეპუტატი, ექიმები და მოქალაქეები. ელენე ხოშტარია იგივე მოთხოვნით მე-17 დღეა, შიმშილობს.
გუშინ, 18 ნოემბერს, საქართველოს პრეზიდენტის მიხეილ სააკაშვილის ჯანმრთელობის მდგომარეობა დამძიმდა - მან ცოტა ხნით გონება დაკარგა.
მოგვიანებით ცნობილი ცნობილი, რომ სააკაშვილი რეანიმაციულ განყოფილებაშია გადაყვანილი. ექიმების თქმით, მესამე პრეზიდენტი სამოქალაქო კლინიკაში დაუყოვნებლივ უნდა გადაიყვანონ.
"ვინ არიან ის ადამიანები, ვისაც მეორე ადამიანის სიკვდილი უხარია? როგორი საშიში საზოგადოება ვართ, თურმე! მოვიქცეთ ისე, როგორც ამას ჩვენი ქვეყანა იმსახურებს! გთხოვთ, გადაიყვანეთ და დაასრულეთ ეს ემოციების ომი!!!"- წერს სოციალურ ქსელში კულუმბეგოვი.
