"გადაიყვანე" - ამ შინაარსის ბანერებით ოპოზიციამ მსვლელობა რესპუბლიკის მოედნიდან დაიწყო. პროტესტი, სავარაუდოდ, პარლამენტთან დასრულდება, რის შემდეგაც გახდება ცნობილი ოპოზიციის ახალი გეგმები.
შეგახსენებთ: მიხეილ სააკაშვილი 1-ელ ოქტომბერს დააკავეს და 50-ე დღეა, შიმშილობს. მესამე პრეზიდენტის სამოქალაქო კლინიკაში გადაყვანის მოთხოვნით ოპოზიცია პერმანენტულ აქციებს არ წყვეტს. ამავე მიზეზით უკვე მე-17 დღეა შიმშილობს „დროას" ლიდერი ელენე ხოშტარია, ენმ-ს 10 დეპუტატი, ექიმები და მოქალაქეები.
დღეს, 19 ნოემბერს, იუსტიციის მინისტრმა მიხეილ სააკაშვილის სამხედრო ჰოსპიტალში გადაყვანა შესთავაზა.
გუშინ, 18 ნოემბერს კი, საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა დამძიმდა - მან ცოტა ხნით გონება დაკარგა.
მოგვიანებით, ცნობილი გახდა, რომ სააკაშვილი რეანიმაციულ განყოფილებაშია გადაყვანილი.
დღევანდელ პროტესტს რეგიონებიდანაც უერთდებიან.
