„ოპოზიციას კონკრეტული იდეების გარშემო გაერთიანებას ვთავაზობთ, სადაც გასაგები იქნება, თუ როგორი ქვეყანა გვინდა", - განაცხადა დღეს, 24 ნოემბერს, „გირჩის" ერთ-ერთმა ლიდერმა, დეპუტატმა იაგო ხვიჩიამ.
შეგახსენებთ: დღესვე, „ლელოს" ლიდერი, მამუკა ხაზარაძე გამოვიდა იდეით, რომ რუსული გავლენების წინააღმდეგ, ოპოზიციამ „ეროვნული უსაფრთხოებისა და ეკონომიკის" მძლავრი პლატფორმა შექმნას.
„ოპოზიციას კონკრეტული იდეების გარშემო გაერთიანებას ვთავაზობთ, სადაც გასაგები იქნება, თუ როგორი ქვეყანა გვინდა, ვიდრე ასეთი იდეა არ არსებობს, მანამდე არც რიგგარეშე არჩევნების მოთხოვნას და არც გაერთიანებას არ აქვს აზრი. ჩვენ არ ვართ მიმისტები. როცა ერთი ადამიანის გარშემო ერთიანდებიან, არ არის საჩვენო. თუ არ ვცდები, „ლელო" და ზურა ჯაფარიძე ხუთნომრიანი ნიშნით დადიოდნენ, ხალხს აგროვებდნენ არჩევნებზე, რათა ხუთი ნომერი შემოეხაზათ. ეს ჩემი აზრი კი არ არის, დადასტურებული ფაქტია, რომ ცოტა ხნის წინ ასე ხდებოდა. ცოტა ხნის წინ, ეს ხალხი ხუთი ნომრით გამოდიოდა და ვიცით, ხუთი ნომერი ვისი სიმბოლოა ქვეყანაში", - განაცხადა ხვიჩიამ.
