„გახსოვთ სუსი-ს განცხადება, რომ შესაძლოა, საზოგადოებრივი უსაფრთხოება კითხვის ნიშნის ქვეშ დამდგარიყო. დღეს მტკიცდება რადიკალური ჯგუფის ზრახვები და სისრულეში მოდის - ცდილობენ სიტუაციის დაძაბვას, რადიკალიზაციის კერების შექმნას", - განაცხადა დღეს, 29 ნოემებერს, პარლამენტის იურიდიულ საკითხთა კომიტეტის თავმჯდომარე, ანრი ოხანაშვილმა საქალაქო სასამართლოსთან სააკაშვილის მხარდამჭერთა აქციაზე საუბრისას.
„ფაქტია, რომ სუსი-ს პოზიცია აღმოჩნდა დადასტურებულად სწორი და მართალი. შესაბამისი უწყება წესრიგის დაცვისკენ მოუწოდებს. გამოხატვისა და შეკრების უფლება გარანტირებული ექნებათ იმ შემთხვევაში, თუ კანონს დაიცავენ. როგორც კი, კანონს გასცდებიან, რა თქმა უნდა, ამას ექნება ადეკვატური რეაგირება. ფაქტია, ეს ადამიანები ამბობდნენ, რომ არანაირ ესკალაციას არ შექმნიდნენ, მაგრამ საპირისპიროს აკეთებენ. რადიკალიზაციასა და კანონდარღვევას ცდილობენ", - განაცხადა ანრი ოხანაშვილმა.
შეგახსენებთ, მიხეილ სააკაშვილის სასამართლო პროცესი თბილისის საქაალქო სასამართლოში ამ წუთებში მიმდინარეობს. მესამე პრეზიდენტი მას თავად ესწრება.
