ფარმაცევტული კომპანია „ფაიზერის" აღმასრულებელი დირექტორის, ალბერტ ბურლას ქმით, კომპანიის მიერ წარმოებული კოვიდსაწინააღმდეგო აბები ვირუსის ახალი, „ომიკრონ" შტამის წინააღმდეგაც ეფექტური იქნება.
„პრეპარატი იმის გათვალისწინებით შეიქმნა, რომ მუტაციების უმეტესობა სპაიკ-ცილებში ხდება. ასე რომ, ვირუსი პერორალურ მკურნალობაზე გავლენას არ მოახდენს", - აღნიშნა ბურლამ.
მისივე თქმით, ნაკლებად სავარაუდოა, ვაქცინა ადამიანებს ახალი შტამისგან საერთოდ არ იცავდეს.
„მე არ ვფიქრობ, რომ ვაქცინა არ იცავს, თუმცა ახალი შტამისგან შეიძლება ვაქცინა ნაკლებად იცავდეს", - განაცხადა „ფაიზერის" დირექტორმა.
