„ოცნება" კლავს," - ამ ლოზუნგით პარტია „ლელო" დღეს, 1-ელ დეკემბერს, მთავრობის ადმინისტრაციასთან აქციას გამართავს.
„აქციის მიზეზია საქართველოში კორონავირუსით გარდაცვლილთა მაღალი რიცხვი, რის პასუხისმგებლობასაც ოპოზიციური პარტია მმართველ ძალას აკისრებს. ხელისუფლება არაფერს აკეთებს ვითარების შესაცვლელად და ადამიანთა გადასარჩენად," - აცხადებენ პარტიაში.
მათივე თქმით, საპროტესტო აქციას სხვადასხვა ახალგაზრდული ორგანიზაცია შეუერთდება.
