„არ მგონია, ამან ძალიან სერიოზული გარდატეხა შეიტანოს", - განაცხადა დღეს, 1-ელ დეკემბერს, ქვეყნის მთავარმა ინფექციონისტმა, თენგიზ ცერცვაძემ „მწვანე პასპორტების" ამოქმედებასთან დაკავშირებით .
შეგახსენებთ: დღეიდან, 1-ელი დეკემბრიდან, საქართველოში „მწვანე პასპორტები" ამოქმედდა.
„რომ გითხრათ, ძალიან დიდი მოლოდინი მაქვს, ეს ასე არ არის. აღსრულების მექანიზმი ქვეყნის ხელმძღვანელობისთვის არასაკმარისია ისევე, როგორც არასაკმარისი იყო პირბადის ტარებაზე. ამიტომ, არ მგონია, ამან ძალიან სერიოზული გარდატეხა შეიტანოს, მაგრამ ერთი ფაქტორი მაინც იქნება, რომელიც ხელს შეუწყობს ახალი შემთხვევების ზრდის შემცირებას და იქნება დამატებითი, ერთ-ერთი სტიმული იმისთვის, რომ მოსახლეობის უფრო მეტმა ნაწილმა ჩაიტაროს აცრა",-განაცხადა ცერცვაძემ
