„ახალი შემთხვევების რაოდენობა და კორონავირუსით გარდაცვლილთა რიცხვი კვლავ მაღალ ნიშნულზე რჩება", - განაცხადა დღეს, 5 დეკემბერს დაავადებათა კონტროლის ცენტრის ხელმძღვანელმა, ამირან გამყრელიძემ.
მისივე თქმით, ეპიდსიტუაციის საფრთხეებიდან გამომდინარე პირბადის ტარება და ვაქცინაცია აუცილებელია.
„ახალი შემთხვევები რჩება ძალიან მაღალ ნიშნულზე. ყველაზე მძიმე ინდიკატორი, როგორიც არის სიკვდილიანობა, კვლავ მაღალია. დეკემბერი ძალიან ფრთხილად უნდა ვიყოთ და დავიცვათ ყველა რეკომენდაცია. ამ სირთულეს წელში გატეხავს მხოლოდ ორი რამ - პირბადის უნივერსალური ტარება, როგორმე უნდა გავზარდოთ და მეორე, მოგეხსენებათ, ყველაზე მნიშვნელოვანი გახლავთ ვაქცინაციის ტემპის გაზრდა,"- განაცხადა ამირან გამყრელიძემ.
