აზერბაიჯანში, თავდაცვის სამინისტროს კუთვნილ ქარხანაში აფეთქება მოხდა. ინფორმაციას აზერბაიჯანული მედია ავრცელებს.
ინციდენტი ქალაქ შირვანში მოხდა. როგორც ადგილობრივ პროკურატურაში აცხადებენ, აფეთქების შედეგად დაშავდა სამი ადამიანი.
ამჟამად ადგილზე სამართალდამცავები მუშაობენ და მომხდარის გამომწვევ მიზეზს იკვლევენ.
წინასწარი ინფორმაციის მიხედვით, აფეთქება მაშინ მოხდა, როდესაც ჭურვი დაზიანდა.
შირვანის პროკურატურაში აცხადებენ, რომ მომხდართან დაკავშირებით დამატებითი დეტალები მოგვიანებით გახდება ცნობილი.
