„მოუხადოს ყველას ბოდიში, მიიღოს მათგან პატიება. მოიხადოს სასჯელი და მერე ვილაპარაკოთ შერიგებაზე", - განაცხადა დღეს, 7 დეკემბერს, „ქართული ოცნების" დეპუტატმა სოზარ სუბარმა მიხეილ სააკაშვილზე საუბრისას.
მისივე თქმით, მზადაა, მიხეილ სააკაშვილის ყველა იმ პირის საკონტაქტო ნომერი მიაწოდოს, რომლებიც მისი ხელისუფლების დროს დაზარალდნენ და მათ სთხოვოს პატიება.
"კი ბატონო, შეთავაზება მიღებულია, მე მივაწოდებ დოდო აფრასიძის ტელეფონის ნომერს მიხეილ სააკაშვილს, რომელმაც თვითონ აღიარა, რომ გასცა ბრძანება ოჯახის განადგურების, დაჭერის კი არა, განადგურების, შეხვდეს, დაელაპარაკოს, მოუხადოს ბოდიში და მიიღოს პატიება.
მივაწოდებ ყველა იმ ადამიანის საკონტაქტო ნომერს, რომლებიც მისი ბრძანებით იყვნენ მოკლული ქუჩაში, თუ ციხეში ნაწამები, გაუპატიურებული, მოუხადოს ყველას ბოდიში, მიიღოს მათგან პატიება. მოიხადოს სასჯელი და მერე ვილაპარაკოთ შერიგებაზე", - განაცხადა სუბარმა.
