„ჩვენმა შვილებმა, მომავალმა თაობებმა უნდა იცოდეს, ვინ არის ბიძინა ივანიშვილი", - განცხადა დღეს, 8 დეკმბერს, დედაქალაქის მერმა, კახა კალაძემ ბიძინა ივანიშვილის მე-9 კლასის ისტორიის სახელმძღვანელოში შეტანაზე საუბრისას.
"ბევრს არ მოწონდა სააკაშვილის რეჟიმი, იყვნენ კონკრეტული ოპოზიციური პარტიები, პოლიტიკოსები, თუმცა, ვერავინ ვერ მოახერხა ის, რაც მოახერხა ბიძინა ივანიშვილმა. ამ ადამიანმა მოახერხა გაერთიანება ყველა ოპოზიციური პარტიის. ერთიანი ძალისხმევით, მისი თაოსნობით, ქართველი ხალხის მხარდაჭერით ჩვენ დავამთავრეთ ის ბოროტება, ის სისხლიანი რეჟიმი, რომელსაც ნაციონალური მოძრაობა წარმოადგენდა. რა თქმა უნდა, ჩვენმა შვილებმა, მომავალმა თაობებმა უნდა იცოდეს, ვინ არის ბიძინა ივანიშვილი, რამდენი სიკეთე აქვს გაკეთებული ჩვენი ქვეყნისთვის, ჩვენი ხალხისთვის",-განაცხადა კალაძემ
